姜皓文扮女人着高踭鞋跑斜路受罪！
入行32年的藝人姜皓文，演藝事業愈來愈暢旺，挑戰過不同類型角色的他最近連女人都扮埋！日前，他以一身女裝打扮、濃妝艷抹現身中環蘭桂坊為電影開工，劇組未知是否擔心會有貪玩酒客埋身，全程安排七、八個工作人員貼身保護他。拍攝時，姜皓文需穿上兩吋高跟鞋在斜路來回游走6、7次，雙腳受罪！
姜皓文昨日接受電話訪問，坦言穿高跟鞋跑斜路是「活受罪」，難度超高：「拍呢場戲真係有壓力，雖然之前已經用咗一段時間學習着高踭鞋，但行斜路的確有啲難度，好佩服女人着高踭鞋嘅耐力，果然係女人專利！」提到戴假髮、化濃妝扮女人現身蘭桂坊，他不覺得尷尬，反而感覺良好：「因為有晒心理準備咁去做呢件事，所以覺得幾得意。」由於電影仍在拍攝，他表示不便講太多，並感謝各界的支持，他將埋首演好該片。
