曹永廉發火：兩條契弟把口唔收

曹永廉

阿廉受訪時不諱言：「我真係嬲o架！嗰日我感冒到聲都轉埋，佢兩個不停窒我，窒到我火都嚟！部機Roll緊我都唔理，照鬧、照發脾氣！」他指之後兩個都唔識死繼續窒：「兩個有同我傾番，又話唔好意思，算啦！兄弟邊有隔夜仇！第二日佢哋又係咁，呢兩條契弟把口都唔收！」阿蕭謂：「阿廉以為發脾氣我哋就會收斂，點知我哋變本加厲，有時可能玩過分咗，但佢又唔怕觀眾見到佢小器一面，哈哈！呢啲先係真兄弟。」

為嘉穎搞到成面屎

此外，阿廉又自爆廿年前與兄弟鄭嘉穎去玩，怎料突然有人叫火燭，全部落晒後巷，後來嘉穎發覺自己踩屎，當時他着住多坑紋的爬山鞋，夠義氣的阿廉二話不說，將紙皮捲成條狀起勢幫嘉穎撩，點知之後發覺自己成面、成嘴都是屎，還被班兄弟笑他「食屎廉」。阿蕭笑言：「你睇佢，為咗兄弟連屎都肯食，呢啲兄弟邊度搵呀！」節目中，他們又向18歲靚女施展溝女必殺技，當中阿蕭更博得紅顏一笑，不過他笑謂：「我唔多講嘞！因為呢一集我要開始跪榴槤！」

下廚時，蕭正楠和黃浩然（左）輪住窒曹永廉。	曹永廉爆Seed話好兄弟不停針對佢。	曹永廉回憶替嘉穎「善後」，搞到整塊面都是屎的經過。