朱晨麗伍允龍倫敦談情黐立立

朱晨麗直言與伍允龍拍談情戲時感覺有點惡心。

朱晨麗、伍允龍及劉穎鏇（Tiffany）等身在英國倫敦為無綫新劇《兄弟》展開兩星期的外景拍攝，由於行程緊密，朱朱搭十多小時飛機後，趕不及到酒店梳洗，便拖住行李會合伍允龍赴片場開工。首場外景是談情戲，二人頂住成身臭汗親熱。

劉穎鏇吹親凍病

朱朱直言拍攝過程絕不享受，感覺有點惡心：「落機成身一陣味，個頭又黐立立，伍允龍成面鬚，大家都好污糟，呢個情況談情真係夠晒難忘，仲要喺隻船度營造浪漫氣氛，但我哋未係好熟，要時間培養情緒，其實我同佢所有甜蜜戲份都喺呢度發生。」

朱晨麗趁難得的假期在倫敦觀光。

朱晨麗（右）與師妹Tiffany到市集四圍食。

對於同劇的陳庭欣及劉穎鏇不時上載玩樂照片，朱朱扁嘴大呼羨慕，坦言現時每日拍劇連踩十多小時，幸好日前終於有一日假期，她即偕港姐師妹Tiffany出城到遊樂場大解放，並到市集閒逛四圍食，但對方難抵當地天氣轉涼生病，負責照顧Tiffany的朱朱說：「後生女可能着唔夠衫吹親，我好似照顧妹妹咁畀暖飲品佢，成個鐘車程幫佢保暖。」Tiffany則表示沒想過首次拍劇就有機會出埠：「我第一次嚟英國，好在戲份唔多，有時間周圍行吓，之後去菲律賓外景會多啲。嗰日同朱朱玩得好開心，但畀風吹到頭痛病病哋，多謝佢咁照顧我，劇組全部人都好Nice，前輩對我好好，真係好難得。」

文：影視組