關菊英密友陪終老
關菊英前晚接受盛女Bonnie主持的電台節目訪問，她跟同性密友Willy經常出相入對，被問到揀伴侶是否冇分性別？菊姐坦言：「其實做人宗旨係自己決定，唔需要理會人。」對於黃耀明大膽認「出櫃」，菊姐大讚：「我好佩服好戥佢開心，我唔會當眾講，總之我哋好自然，行街會翹住同拖手。」
問伴侶是男或女有甚麼分別？她說：「唔需要講性別，最緊要是互相溝通。」菊姐坦承當初媽咪感困擾，但相處過後明白Willy為人好nice，問Willy是否會陪她終老？菊姐說：「可以咁講，但唔知明日發生乜事，總之依家好好。（如果香港容許同性結婚？）冇呢個想法，大家一齊就可以，呢刻佢可以講係終身伴侶。」