河國榮鬼佬唱粵曲

堪輿學家李居明與名伶龍貫天及藝員河國榮等到北角新光戲院出席劇目《納蘭三詠》開鑼，《納》劇是李居明第30部粵劇作品，更邀得外籍藝人河國榮首度演唱粵劇。李居明笑指河國榮與角色南懷仁相似，故邀對方演出，河國榮笑說：「第一次唱粵曲，希望大家唔好拎嚟比較，始終係鬼佬唱粵曲呀！我會向大師偷吓師。（聽過粵曲演出？）有呀，唱粵曲幾好玩，同流行曲好唔同，以前唔識廣東話，聽起嚟似貓叫，依家識聽就覺得好好聽，同埋唱粵曲學到廣東話嘅準確發音。」