黃心穎認有Feel對馬國明冇要求

性格開朗、不時在節目中狂笑的黃心穎，外間可能只覺得她是個大笑姑婆，但原來私底下卻是完美主義者，與早前播出的劇集《與諜同謀》的工作狂人角色有點相似。黃心穎說：「劇集出街後，啲人覺得角色好唔黃心穎，但其實係我其中一面，我都係一個工作狂、完美主義者，返到屋企其實都冇乜表情，呢個係私底下嘅我，每個人都有好多面，只係啲人冇見過。」

讀書誓考第一

讀書時代更能見證黃心穎的「完美」，自小品學兼優的她說：「細個讀書，攞少半分都唔開心，我讀書係會好癲，背晒成本書，一字不漏，咁就唔會錯，所以細個讀書大部分時間都係考第一，反而大個咗就冇咁緊張。」追求完美的黃心穎對另一半要求是否很高？她說：「對自己就有要求，反而對另一半就冇乜要求，或者係要求我一定鍾意佢，有車有樓唔係條件，係要講鍾意同唔鍾意，要睇感覺、眼緣。」

黃心穎讀書時品學兼優經常考第一。	大笑姑婆黃心穎，原來是完美主義者。	黃心穎希望與馬國明更進一步。

唔得閒加深了解

黃心穎與馬國明這對緋聞情侶已約會了解過，但暫時未能發展成情侶，她說：「因為冇時間去了解，唔急嘅，要發生就發生。」她坦言對馬明有感覺：「唔多唔少一定有，但要再相處吓先，到搵到個right timing就會發生。」問到若果遇到另一半有背叛行為，會否斬釘截鐵了結感情？她說：「要睇有幾愛佢，好難就咁話接唔接受到，要認真考慮，因為遇到鍾意嘅人真係好難。」

採：影視組

攝：劉斌