賈思樂一王六后接Order玩新鮮
資深歌手賈思樂（Louie）為慶祝入行40周年，早前宣布將於6月假文化中心舉行兩場40周年演唱會。他日前接受東網巨星節目《娛樂onShow》訪問，大談邀請六位從未合作的女歌手黎瑞恩、王馨平、羅敏莊、陳松伶（松松）、韋綺姍和李樂詩擔任嘉賓，又爆松松要求高，要為觀眾安排特別演出！
入行40年的Louie唱過無數經典金曲，令樂迷聽出耳油，日前他接受東網巨星節目《娛樂onShow》主持陳振安訪問，好友廖安麗亦有現身撐場。談到邀請黎瑞恩、王馨平、羅敏莊、陳松伶、韋綺姍和李樂詩六位女歌手擔任演唱會嘉賓，被稱為「一王六后」？Louie說：「今次係40周年，所以嘉賓方面搵咗啲未合作過嘅女歌手，好想帶啲新驚喜畀大家！」
影海報似婚紗相
他指演唱會海報是七人一起拍攝，猶如拍攝婚紗照的王子和公主，非常開心！問到有何合作趣事？他大爆松松要求甚高，更要求做特別表演：「松松話今次合作要做特別啲，佢提議不如又跳又唱呀！我話：『你冇跳舞底子(口架)喎！』佢就話自己有跳開健康舞，要挑戰我呀！」所以Louie指今次演出非常特別，肯定會令觀眾有新鮮感。
呻入紙辛酸史
另外，Louie坦言當初入紙申請演唱會過程非常艱辛，等了整整一年才成功入紙：「第一次入紙話冇期，第二次入紙又話冇，來來回回都搞咗成年，都係唔成功，最後我親自遞紙，可能見到我咁有誠意，終於成功，真係排除萬難！」他又預告演唱會有神秘嘉賓，想知道是誰？立即Click入東網巨星收睇《娛樂onShow》！
文：專案組
場地：pentahotel Hong Kong