何弘軒帶粉絲上郵輪同遊沖繩

歌手何弘軒昨日出席護膚品牌活動，透露活動的抽獎環節會抽出幸運粉絲，贏得九月份雙人來回沖繩的郵輪旅行，他表示：「都係第一次同粉絲度過六日五夜，都未試過同另一半上郵輪。（會同粉絲做啲乜？）一齊食飯、游水，因為嗰到有滑梯。」但他笑言擔心抽到像新歌MV女主角般野蠻的粉絲，因為要對住對方很耐，會很慘。他亦笑言想叫埋父母一起上郵輪：「諗住借花敬佛，叫sponsor請埋爹哋媽咪去。」此外，提到七月他將舉行音樂會，他表示現時忙於搵嘉賓：「我想請五至六個嘉賓，因為我唔夠歌嘛。（想請咩人？）請公司嘅師兄、師姐同師弟。問咗前師姐Crystal（張紋嘉），佢暫時都ok，都想請吳業坤，但佢拍劇好似好忙。」