阿倫擺鋒菲上枱：一家幾口呀！

阿倫率領環球旗下歌手陳奕迅（Eason）、李克勤、陳慧嫻、吳雨霏、Mr.、關楚耀等出席Universal Music Card活動，阿倫更順道宣布演唱會加開2月21至24日最後四場，個唱由邱子傑旗下的「溥儀眼鏡」及「歐洲坊鐘錶」聯合贊助。問他是否孭上一身飛債？阿倫坦言：「為咗訂飛好多人已經unlike咗我！」

阿倫透露4場的最新嘉賓是溫拿、容祖兒、謝霆鋒及郭富城。問他會否請霆鋒女友王菲做嘉賓？阿倫笑言：「又講呢啲！我請霆鋒嚟煮幾味。（王菲呢？）上台？一家幾口呀！」而阿倫稱找城城是因大家是波友，要和城城台上勁歌熱舞。而Eason則任阿倫首場嘉賓，阿倫要求Eason演唱他點唱的歌曲，並勾手指拍照放上微博作實。

鋒菲與童童「一家三口」早前同時在港現身。

陳慧嫻翹關楚耀出場，感覺青春不少。

Eason講全智賢面紅

提到Eason早前在MAMA頒獎禮的演出在韓國獲得很高點擊率，他坦言感到開心，可以令香港人自豪。是否刻意選唱《浮誇》向韓星晒實力？Eason稱：「因為《浮誇》首歌好有力量。（成功爭氣？）唔知係咪成功，只知係有好多香港朋友支持，自己睇番當晚演出都有感動。（有冇打算去韓國開騷？）希望呢次演出全智賢會睇到啦！」記者即問他是否喜歡全智賢？是否粉絲？Eason即尷尬笑謂：「唏，唔好講啦！（面都紅晒喎？）唔好嘈啦！」

阿倫（右三）與Mr.五子在場內玩到癲。

吳雨霏一身lady打扮，愈見索爆。

慧嫻開心封「十三姨」

同場的慧嫻則被阿倫和唱片公司老闆封為「十三姨」，指她性格十三點又愛笑。阿倫笑謂：「Eason做十三公，張學友就係十三章囉！」慧嫻對「十三姨」稱號好受落，表示恨有稱號好耐。

文：音樂組