霆鋒一句秒殺緋聞 同王菲好好！

霆鋒與王菲2014年復合後，雖然一直表現低調，但感情穩定。惟最近網上突然瘋傳他們已分手，指霆鋒與楊冪在一起，更言之鑿鑿指他本月會公開新戀情云云。其實楊冪去年底宣布離婚後，先後與多位男藝人及名人傳緋聞，包括內地男星李易峰及內地富二代王思聰等，就連霆鋒亦無端牽連其中。

婚事有得諗？

昨日霆鋒現身電視城，完成工作準備離開時，記者就有關傳聞求證，甚少談及感情事的他對此話題顯得甚為緊張，本來想上車，但聽到提問立即停步肉緊回應，期間更兩次以「黐線」來闢謠，一反常態，心急澄清，明顯非常重視與王菲的感情！問到是否與王菲分手，現時與楊冪蜜運中？他斷然否認：「黐線！我哋好好，你哋唔使相信（傳聞）。（你同楊冪熟唔熟？）識，大家都係朋友，佢支持過《鋒味》節目，但我哋好耐先見一次，對上一次係一齊頒獎，真係唔知點解會咁傳。」說罷便上車，再問緋聞會否影響他與王菲的感情？已上車的他再說：「黐線！（會唔會因為咁而結婚？）唔會。」

唔知點解會咁傳。 罕有講感情事的霆鋒強調與女友感情極佳。	謝霆鋒（左）	霆鋒與好友夜蒲，離開時風騷揮手。

而霆鋒前晚出席完音樂會後與男友人現身中環夜蒲，甫見記者即笑笑口打招呼，臨走前還親切揮手道別。

新劇化身復古美人

至於何解楊冪與霆鋒的緋聞無端傳得鬧哄哄？其實兩人合作過電影，楊冪曾公開表示霆鋒是其男神兼偶像，亦曾亮相他主持的節目《鋒味》。兩人最近一次同台是去年12月為內地的華表獎擔任頒獎嘉賓，之後女方就透過工作室宣布離婚，令緋聞不脛而走。

另外，她與霍建華合作的電視劇《巨匠》昨日正式發布劇照及海報，當中見楊冪盤起頭髮，妝容略帶復古味道，被指側面酷似荷里活已故女星柯德莉夏萍。