陳茵媺又報喜佗B三個半月

藝人陳茵媺（Aimee）、名模Rosemary、Cara G.、汪圓圓表妹湛琪清及歌手梁詠琪等昨晚出席珠寶品牌《Mikimoto x Hello Kitty高級珠寶展》活動，宣布懷有第二胎的Aimee透露已經有咗三個半月，至於是男定女則未知：「依家好興奮，我想自己嘅小朋友年紀差唔多。」

第二胎計劃之內

Aimee坦言第二胎是計劃之內，生仔生女都冇所謂，是否兩個夠晒數？她說：「兩個都OK，可以再諗！」要照顧「一個半」小朋友不容易，其手部傷勢仍未痊愈，但照顧BB會全由她負責。

陳茵媺再度有喜，已有一子的陳豪最開心。

梁詠琪已有三個半月身孕。

陳豪豈非要更努力搵奶粉錢？Aimee說：「我老公好努力，我會繼續出event，我好鍾意演戲，坐喺屋企唔似我性格，依家要放低拍戲，做人生大事先。（陳豪不想你工作繼續生？）老公都支持我做，家庭同工作要取得平衡。（公布有喜，酬勞特別高？）我一向唔睇重錢，只希望分享。（囝囝識叫媽咪未？）叫咗三次，但唔知係咪叫我！」

而陳豪接受電話訪問期間不停傻笑，掩不住再當爸爸的喜悅，又說會加倍愛護太太：「興奮加興奮！第二胎有咗經驗，做爸爸都放鬆啲！」記者以「多仔公」稱呼他時，他興奮地說：「我好鍾意呢個名，係上天委派畀我嘅任務！（出鬼主意綁住太太？）冇鬼主意，我係傳統嘅人，生到點解唔生呢？呢次係我哋預計之內，係天賜嘅禮物 。」

梁詠琪佗B重６磅

已為人母的Cara G.表示會與Aimee交流湊B經驗：「身邊會有好多人畀意見，叫你唔好做呢樣嗰樣，不過女性天賦係識得湊小朋友。」而年尾在港簽紙註冊的Rosemary坦言不介意未婚懷孕。Aimee兩位好友蔡少芬（Ada）、朱凱婷為Aimee再度有喜高興，Ada對於有傳陳豪為想綁住老婆而不停生，笑言陳豪如有這個計劃太愚蠢。

此外，同樣懷有三個半月身孕、重了六磅的梁詠琪暫時未知腹中塊肉性別，老公希望生女，她說有妊娠反應，每當聞到老公煮飯便嘔吐大作。

文：名人組