混血Ana R.中西煮意多
混血名模Ana R.喜歡品嘗美食，除Dinning out，閒來還愛下廚煮幾味。追求健康飲食的她，最近愛上自家炮製的牛油果西蘭花雞蛋沙律，再配椰子油做Dressing，在上面撒些脆煙肉粒，口感軟中帶Curchy，有益健康又美味，而且相當易做，是省時之選。
至於在外用餐，Ana就鍾情中式點心，特別愛吃某五星酒店中菜廳的蛋黃蓮蓉壽包、上海小籠包及菠菜蝦餃。她更大力推介說：「呢度嘅壽包我閒閒地可以一口氣食三個，個包好軟熟，啲蓮蓉香滑又唔會太甜，加埋鬆化嘅鹹蛋黃，成個配搭好完美。小籠包皮薄餡多，咬落去有湯汁流出嚟，加埋餡料本身滿滿嘅肉汁，好Juicy。菠菜蝦餃嘅餃皮加入咗菠菜，翠綠色嘅賣相好靚。」
