張繼聰 度期幫囝囝慶生

藝人張繼聰昨日到灣仔出席父親節親子活動，並自言是個好玩爸爸，平日會盡量抽時間陪囝囝去玩。問他囝囝親他還是媽媽謝安琪較多？阿聰說：「兩個都鍾意，我就多喺Physical方面，同佢跳舞扮下恐龍，老婆就集中係Creative方面，阿仔係帶位員嚟，會播卡通再整戲飛畀我哋。」阿聰更炫耀稱近日會帶囝囝去玩「馬騮架」，自己就在旁做引體上升，引來不少街坊羨慕！不過，今年阿聰要在工作中度過父親節，但「廿四孝」的他就特登度期跟囝囝慶祝下周的生日：「囝囝今年7歲，好似過兩年就會自己過生日咁。」