翠如後頸控波冧掂奧雲
國際足球明星奧雲昨日來港出席「東港城×英格蘭超級球星奧雲簽名會」，吸引眾星朝聖，當中翠如BB即學用後頸控球，獲奧雲大讚Very Good，翠如乘勢變身小fans找他簽名兼握手，事後揚言家人乃曼聯粉絲，此舉絕對為家人爭光，但也擔心自己因忘記帶球衣簽名而被父親責怪！
黃翠如、陳嘉寶（Anjaylia）、王敏奕、「少女版張慧儀」賴慰玲、「少年版吳啟華」何廣沛等昨日化身小fans，出席國際足球明星奧雲的簽名會，吸引逾500市民圍觀，場面熱鬧。
笑為家人爭光
期間奧雲作足球試範，又拿部分獎牌跟觀眾分享，並指導翠如及王敏奕控球，不過敏奕不停跌波，最後被奧雲評為「Only OK！」反觀翠如表現不俗，用後頸控球亦有板有眼，難怪獲奧雲大讚表現Very Good，後來翠如趁機將道具足球拿給奧雲簽名，又與偶像握手。心情興奮的她握手落台後坦言很緊張，原來她的家人不少是支持曼聯，笑言此舉如同為家人爭光，她謂：「我唔記得咗攞件球衣嚟，驚返去爸爸會嬲，我都係半專業球迷，到時會同五姊妹一齊睇波。」
睇好巴西奪冠
問其男友蕭正楠喜不喜歡睇波？翠如說：「唔知，但應該唔會一齊睇。（驚失儀？）我都冇咩儀態可言，但同姊妹一齊睇呢種女人嘅浪漫就要Keep住。」更指睇好巴西勝出機會高，球員方面則喜歡尼馬。自從戀情曝光後，翠如透露家人也成為追訪對象，曾想過另覓居所，她說：「本身好鍾意黐住屋企人，想陪佢哋耐啲。（同居囉！）講埋咁嘅嘢㗎！」
奧雲則大讚香港粉絲熱情，喜歡馬匹的他謂上次到沙田馬場觀賞賽事，但卻誤以為下注是不合法，故希望明年再來港有機會嘗試下注。同場的「少女版張慧儀」賴慰玲在活動中向奧雲單眼，還笑指有意向他索取Facebook或Instagram聯絡。
文：影視組