陳沛嘉與夫分隔兩地 生B隨緣

前晚名模陳沛嘉出席Perrier-Jouet 200周年酒會活動，同場有已故周啟邦姪兒周國勳及其女兒周穎詩、趙式芝、楊如芯等出席。近年養尊處優的陳沛嘉，被問到何時造人榮升為母親？她說：「生小朋友要隨緣，老公（彭文堅）依家成日喺內地做生意，佢都唔係呢個圈嘅人，所以佢唔會出嚟，我都好少返大陸陪佢。如果感情好，就唔會因為咁而受影響，感情好就好，唔好就唔好。」她續說女性應財政獨立，坦言自己都會作投資。
陳沛嘉表示不會因分隔兩地而影響夫妻感情。
陳沛嘉表示不會因分隔兩地而影響夫妻感情。

另外，周穎詩表示今年剛大學畢業，最近返港放暑假休息，稍後或會和家人到外地旅行。周穎詩說：「今年暑假唔會做summer job，遲啲會返紐約搵工，諗住過多幾年先至返香港做嘢。我想做同時裝有關嘅工作，唔使爸爸幫手，靠自己搵。」不過當問到感情狀況，周穎詩卻有所保留說不想多談。

周穎詩大學畢業，想做時裝工作。
  • 周穎詩大學畢業，想做時裝工作。