傅穎趕住走約異性短聚

傅穎日前專程前往澳門捧好友兼富商曾文豪女兒曾昭怡的時裝騷場,不過,傅穎此行還另有目的,她未有參加騷後派對,反而趕會男性密友,更揚言不怕被指重色輕友。

由富三代曾昭怡(Natalie)與好友李穎希創立的時裝品牌HANALIE日前聯同法國珠寶品牌Tara Moor Paris假澳門舉行首飾及時裝展,邀請了傅穎、賭王四太千金何超盈、Moiselle太子爺陳柏熹等出席,Natalie的胞妹曾昭令及曾昭亮亦來撐場,場面熱鬧。

八月將赴京發展

傅穎表示與Natalie相識多年,她大讚對方:「今次係我第一次睇佢嘅騷,佢好有時裝觸覺,好犀利,我都想同佢合作。我本新書入面嘅衫,有好多都係佢提供。」其後傅穎又自爆當晚為會男性好友而缺席騷後派對:「我已經好耐冇見呢位男性朋友。(怕唔怕畀Natalie話你有異性冇人性呀?)唔怕,而且我哋係好幾個朋友一齊敍舊。(有冇發展機會?)人哋已經結咗婚,呢啲我唔搞,大家係好朋友。」

另外,傅穎透露今日將在書店舉行新書預售,心情緊張又興奮,問到會否繼續出書?她說:「我都想,今次以雜誌形式出,好吃力,我想試吓下次以類似漫畫形式推出,講吓自己嘅蝦碌事,例如我嘅腳掌偏細,平時行路好易絆倒。」她稱完成書展後,八月中會赴北京發展,她自問普通話標準而且懂得照顧自己,故不太擔心一個人在當地生活,但強調不會放棄香港巿場。

兼顧律師與時裝

至於Natalie對時裝騷感滿意,並笑謂有助開拓澳門巿場,問到品牌有何新計劃?她表示:「計劃同明星名人合作,為慈善出力,但暫時未可以公布。」她說九月她便正式任職律師,雖然工作忙碌,但她有自信可兼任正職及時裝設計。

文:名人組