莊家彬爆老父催婚想抱孫
近年傅明憲和富二代莊家彬過從甚密，緋聞一直冇停過，不過兩人從未正式承認戀人關係。前晚莊家彬出席活動時，表示因要常返內地做生意，故難免要飲酒，並借此來練練酒量，更言工作太忙，暫未有旅行計劃。問到工作繁重，會否令女友傅明憲投訴時，莊家彬說：「朋友嚟咋喎！（怕唔怕咁講外間會以為你分咗手？）冇一齊過又何來分手？」
問到父親莊紹綏有否催婚，莊家彬說：「有時同屋企人去飲，爸爸都有問吓我。好似Martin（李家誠）啱啱生仔，爸爸都有講笑問我幾時有孫畀佢湊。但我覺得呢啲急唔嚟，以工作為重，同埋呢個年代都興遲婚。」
另外，同場前澳門特首何厚鏵姪兒、曾跟賭王三太千金何超雲傳緋聞的何敬豐，表示很久沒有跟超雲聯絡，雖然大家是好朋友，但不會談及私人感情事，所以不知道對方是否和陳山聰拍拖，更言現在忙於搞娛樂公司事宜。而同場的應昌佑則表示平時都會和老闆黎明飲酒，更言知道對方愛飲紅酒。
