張繼聰親自「選兵」唔畀囡囡亂坐車尾

「暖男爸爸」張繼聰前晚現身「繽FUN Live」，跟繽FUN主播俞詠文及陳振安直播，無所不談！講到疫情下的生活，幽默的阿聰笑言近日重讀K1，因每日要陪囡囡張靖網上上堂：「3歲小朋友點識撳電腦？要同佢一齊上堂，又要幫佢拍低啲畫同小勞作。」但他指在家隔離期間，跟子女有較多時間相處，關係更好。另外，玩遊戲期間，他指有學韓文、泰文及法文增值自己，並透露其法文老師是黃祥興及官恩娜老公。

談到今年是做歌手的第15年，阿聰透露本打算舉行音樂會，雖因疫情取消，但已做了新歌《David Harleyson》，以電單車談人生。近年迷上揸復古電單車的他，卻笑言不准囝囝張瞻考電單車牌：「電單車比私家車危險，我揸唔係求速度感，我哋成班係求嗰個感覺，囡囡都想學，自己玩梗係過癮，但作為父母就擔心。（如果佢話坐男友車尾得唔得？）我會叫嗰個男仔嚟問我，過到我嗰關，承受到我嘅壓力咪去囉！」

無意全家親子合唱

另外，問到可曾想過與老婆謝安琪（Kay）及仔女合唱？他即抵死笑言︰「街坊福利會咁喎，咁要新年先得，齊歡唱嘛！」他透露一直抱住自由心態栽培小朋友，囝囝對音樂沒興趣，故他嘗試用結他引誘囡囡：「成日喺佢面前彈，希望有一日感染到囡囡。」又透露十多年前曾與Kay合作，又趁機讚老婆：「佢依家做得好好，我好欣賞佢，成日聽佢嘅歌，依家我係一個獨立歌手，即係一把年紀都有音樂夢，會自己出錢做音樂、搞騷，覺得依家同老婆嘅距離好遠，希望做好啲先同佢合作。」