名流生活究竟係點？細佬作為「N無人士」又點會知，但都可以睇小說滿足吓幻想，尤其係名流性生活囉！《The Socialite》呢本以名流淫亂私生活為題材嘅色情小說，內容比電視劇嘅人物關係更加混亂，但咪以為咁就等於淫亂，其實名流都係人，都會有愛情o架！之不過佢哋有的是錢，有錢自不然身痕，痕起上嚟咪要搵人（抓）囉！
故事講述年輕有為嘅男主角Troy Robbins同嫩妻本來非常恩愛，搬到海灘過住半退休生活，日夜喪砌，無奈搞得多都會悶，Troy決心要改變，希望人生變得更精彩豐盛，本來老婆都好配合，由床上任勞任怨，變成好色癡女，繼而玩埋SM，可惜老公都嫌未夠爽，老婆好快就意識到衰佬一定會出去搵女人。話口未完，Troy極速搭上新女，終日淫浸喺性愛之中，滿以為自己好Happy，誰不知老婆仲誇張，主動勾搭鄰居啪啪啪，更電召男妓上門玩健身，眼見昔日千依百順嘅賢妻變成淫娃，完全係自己一手造成，善變嘅Troy又想變，你估今次佢係變得更荒唐定係想尋回昔日嘅愛情呢？
書名：《The Socialite》
售價： 約HK$16（電子版）
撰文：祖