喺每個行業都有論資、排輩、講學歷嘅情況，除此之外仲要講出身，喺日本AV界就會將女優分為關東同關西，前者片酬比後者可以差一大截。至於日本藝能界都有類似情況，不過會分得再仔細一點，好似生於北海道嘅巨乳女主播塩地美澄被標榜為北海道美人，而近年喺影視圈極為活躍嘅青春派美少女演員，出生於鳥取縣米子市嘅山本舞香就被稱為「鳥取之奇迹」，最近呢位鳥取市之花推出出道以來第一本水着寫真集喇！
今年20歲嘅山本舞香喺2010年被地區性免費報紙《鳥取美少女圖鑑》於街頭捕獲，見報之後迅即被邀請加入演藝界。翌年舞香成為三井不動產代言人，成為第14代「Rehouse Girl」，同年參演電視劇《儘管如此也要活下去》，之後亦演出過唔少日劇同電影，上位速度相當快！最近山本舞香決定趁自己20歲大個女，推出初次換上水着演出嘅寫真集《サニー/ムーン》，雖然舞香嘅身材唔係咁突出，但係去到沖繩竹富島與海灘同陽光嬉戲，凸顯美少女嘅青春同活力，相當吸引。另外，亦會回到家鄉鳥取米子市，以素顏形象將最自然嘅一面畀大家欣賞。
書名：《サニー/ムーン》
售價：約HK$147
撰文：賢