性感就是美?

今日介紹一本哲學書,咪聽到「哲學」兩個字就以為好高深,睇唔明又悶噃!雖然未至於簡單易明,但睇完會令你有所反思,尤其係對睇女會有新嘅態度,你話係咪值得一睇先!呢本《Posing Sex: Toward a Perceptual Ethics for Literary and Visual Art》,書名堅長堅論盡,正常人都唔會主動買嚟睇,再加上文學、視覺藝術及感性道德倫理呢堆字眼,更加令人過目即忘,不過佢主要係想講當今世代,尤其歐美日韓女歌手兼藝人以性感形象掛帥,坊間視之為美感嘅態度,去分析由古至今對「美」嘅標準。作者Alan Singer來頭極猛,本身係英語系教授,更係四本批判性著作作者,本本都係暢銷巨著,而今次呢本書針對女性「性感就是美?」嘅審美角度,借鑑多位著名哲學家如笛卡兒等對當代感知和審美理論,絕對會豐富你對感官審美嘅體驗,至於想知作者對當今時刻暴露嘅審美立場點睇?就要買本書睇吓喇!

書名:《Posing Sex: Toward a Perceptual Ethics for Literary and Visual Art》

售價:約HK$104(電子版)

撰文:祖