若然你係股迷，無股不歡的話，呢本由33名人氣插畫師聯手炮製嘅「股」惑插畫集，就一定唔可以錯過，絕對能夠滿足需要。講到要做真男人，睇怕呢位從事AV助導嘅日本男會非常心急，因為仍係處男嘅佢，覺得會影響自己嘅創作喎！
有人話現實中嘅美股迷人，有二次元控卻認為ACG世界中嘅美股更為吸引，雖然呢個始終係「鹹魚青菜各有所愛」嘅問題，但係呢本以「股」為題材嘅插畫集，不論係現實控定二次元控，只要係股迷嘅話都唔可以錯過！事關呢本最新推出嘅《Shiridarake》插畫集，搵嚟大空若葉、小林由高、40原、Bang-You、陽寄瑞貴等33名插畫師，共同創作出呢本充滿「股」惑嘅插畫集。出版社「一迅社」對呢本雲集眾多插畫師嘅畫冊信心十足，聲稱對於股迷嚟講，呢本係至高無上嘅插畫集，值得收藏！
其實又難怪出版社咁有信心，事關呢33名插畫師個個都來頭十足，好似大空若葉正係一位著名美少女插畫家，並為多個遊戲及輕小說繪畫插畫，而小林由高更係一位著名十八禁漫畫家，擅長繪畫前凸後趷嘅火辣女郎。為咗展現美股嘅魅力，一眾插畫師以唔同嘅美少女造型，例如水手服、OL服、運動服等，加上唔同款式嘅底褲，從而展現出最強美股嘅魅力。
「近水樓台先得月」係咪堅呢？一位喺日本AV界工作咗3年嘅男助導便有深刻嘅體會。話說早前日本綜藝節目《回家，拍攝可以嗎？》採訪咗一個名叫勝屋彰太嘅30歲男子，呢位男子有乜咁特別呢？原來佢唔單止係AV製作公司嘅助理導演，最令人意外嘅係佢竟然係處男！原來大部分人都以為從事AV攝製工作嘅男士，可以擁有近水樓台之便，就連節目主持人都以為佢哋有優先權親近女優，而勝屋彰太喺3年前都係抱住同樣心態，同埋想睇到女優嘅重要部位，先至到AV製作公司工作，仲諗住可以好快脫離青頭仔行列，卻估唔到現實同夢想差距相當大，每當見到AV女優同男優啪啪啪嘅畫面，更係令佢感到相當灰。
夢想可以成為AV導演嘅佢，現努力創作計劃書，若然被公司採用嘅話便會升為導演，卻因為自己係處男之身而感到苦惱，擔心自己嘅創作受限制。不過節目主持人矢作兼及大木唔係咁諗，佢哋覺得處男對性充滿幻想，因而創作出嚟嘅作品會更具想像力。實情係咪咁，就要問下仍然係青頭仔嘅朋友喇！
唔少靚女都鍾意將性感自拍照放喺社交網作為個人頭像，但係同時引嚟網絡上好色男士嘅注意，經常對佢哋進行騷擾。為咗智退呢類網絡鹹濕佬，南韓人氣內衣模特兒兼網紅Ha Neul早前喺網上分享方法，結果引起網民積極討論，有位女網民Pobre Diabla所提議嘅方法更係受到網民激讚，究竟佢用咗乜嘢方法咁犀利呢？原來當網絡鹹濕佬撩佢時，佢便會回覆「Attachment: 1 Image」嘅文字，意思即係「有一張圖」。由於鹹濕佬以為傳送圖像錯誤，先至會顯示文字關係，故此覺得係自己嘅手機或電腦問題，而非對方有心整蠱，於是就會從撩女轉到搞自己部手機或電腦，最終只會自行離線。網民見狀便基於呢種方法再創作出多種嘅方法，而當中被稱為最有效嘅方法，莫過於多種等待讀取嘅動態圖像，當鹹濕佬收到呢張圖像時，先會癡癡地等待，但等了又等都冇結果，最後就會因無癮而離線。雖然呢啲方法有效，但係唔少網民仍然覺得，遇到網絡鹹濕佬最有效嘅對付方法，仍然係狠狠地將佢拒絕最為穩妥。
撰文：魂