有一個人客，去試一間新開架步，現時的架步，愈新愈布置得靚，所以舊陳皮的檔口就冇得做，第一設備不如人，第二靚女被人撬走，終於連皮費都支持唔住。
人客去到，執得好正的場務員，先問佢有冇相熟小姐，冇就介紹，又問明要高妹定細細粒，肥抑或瘦，人客曰：「真唔真，似乎你哋乜嘢貨色都齊備。」
場務員曰：「冇錯，真係好齊全，我哋有過百位小姐，一半上咗班，另一半在家中隨時等候電話，一召即到。」
人客曰：「咁就請你介紹一個，除咗肥婆之外，我信任你嘅介紹。」
場務員曰：「一定不負所託。」
不久，帶來一位小姐，二十歲左右，唔算好靚，但勝在青春夠熱情。
人客問：「想同你做工夫，你收幾多錢？」
女曰：「標準由人客定，你認為我值幾多先？」
人客戲言曰：「值一百，你咁靚女，係應該睇高一啲。」
女曰：「多謝，不過唔敢過取，我值五十而已，由公司打電話去住宅叫返來者，則值一百，佢哋保證安全。」
人客曰：「然則你就唔保證？」
女曰：「當然，我不能保證，所以勸你唔好同我打真軍，要披甲上陣至好。」
人客曰：「你坦白得可愛，是否對每個人客都是如此？」
女曰：「此乃公司規定，因為現時公司不准我哋得失人客，如果發覺有失客者，就立刻炒魷，家陣撈女大把，只憂冇咁多場所容納，你諗吓，住家女人都有出來兼職，我哋呢行，是否好難做。」
人客曰：「公司愈新，管理愈好，以前凡係架步小姐，都吊住人客嘅胃口，開波價錢，因人而施，開天索價，等人客落地還錢。」
女曰：「今時唔同往日，我未嚟呢間做之前，亦係分分鐘揸定刀劈老襯，結果人客都係一次過後就無影無蹤，但現在就唔同，因為世界難撈，做生意都要看風駛（巾里），必有回頭。」
客曰：「照咁情形，想人客唔返轉頭都幾難。」
一九七五年一月五日