背夫偷食

雖然外國有唔少經典情慾小說，甚至有啲被改編拍成電影，但係講到經典中嘅經典，絕對唔可以錯過呢本喺1973年推出，由英國情慾小說家艾瑞卡‧鍾著作嘅《怕飛》，全球銷量超過3,500萬本，被翻譯近40國語言，更被喻為女性情慾小說中嘅經典名著。透過小說，艾瑞卡直白地描寫女性情慾及外遇偷情嘅情節，而呢個橋段喺當年引嚟極大爭議。故事講述猶太女主角伊莎朵拉跟第2任丈夫重回歐洲旅行，對於第2段婚姻感到愛情同慾望開始枯竭嘅佢，希望喺呢次歐洲之旅中，能夠遇到一個男人同佢發展出一段純粹肉體關係。事實上，無味嘅婚姻令佢一直以嚟喺腦中幻想過無數次出軌，卻始終因為怯懦而未付諸行動。雖然佢有飛行恐懼症，但得悉丈夫要到奧地利維也納參加心理分析師嘅聚會，仍然決心跟隨，而喺聚會中遇到一位令佢心動，同時言行又配合到純粹肉體關係嘅男人，終於令佢萌生勇氣，決定要成為淫婦！