早前有人發現一對外籍男女喺台北西門町獅子林大樓嘅樓頂打野戰，整個過程長達10分鐘，有人更將有關片段放上網而掀起風波。其實野戰呢樣嘢唔敢玩嘅人居多，理由唔係因為怕畀人睇到兼拍片放上網，而係有機會觸犯妨害風化罪，犯法喎？有邊個敢試！不過有唔少玩家經常向囡囡提出野戰要求，據一位應召女郎表示，試過喺近半夜時分去到酒店後，客人問佢有冇興趣試吓去附近嘅公園野戰，如果成事嘅話，會畀多3倍價錢，仲話咁夜公園唔會有人經過，又保證會將手機放喺車廂內，唔會偷拍咁話。雖然對方係熟客，但係講到野戰真係咪搞，除咗擔心東窗事發外，最擔心係人身安全，事關半夜時分人影都冇個，萬一有咩事發生，真係唔知點算，同時佢亦會被扯皮條責難，為免麻煩，所以大部分囡囡都唔會應承玩野戰。至於車震，亦唔會答應，當然，唔排除有啲囡囡喺重金嘅吸引下而接受，但係相信機會極微。