澳門Style：濃香咖喱牛腩

對咖喱有認識嘅朋友，一定會知道馬來西亞嘅咖喱美食，絕對係別具風味，事關佢除咗加入椰汁炮製外，仲會加埋當地原產嘅香料，令咖喱特別濃香，但可惜想食到咁惹味嘅咖喱，真係唔係咁容易，但前兩日喺澳門9號會所，就畀我索到一陣濃烈嘅馬來咖喱味，於是捉住經理嚟問。原來佢哋嚟咗個南洋大廚，最耍家就係整咖喱，其中呢款「濃香咖喱牛腩」更係鎮店名菜。講到識飛咁樣，於是叫經理整煲嚟試吓，煲牛腩送到走廊已經傳嚟陣陣咖喱香味，入到房更係不得了，於是急不及待整件牛腩試吓，咬落入口溶化，牛腩肉汁同咖喱濃香渾然天成，真係冇得彈，最後連薯仔同雜菜都食得乾乾淨淨。