男人最痛嘅事有好多，而呢單發生喺內地龍崗嘅事件，正正係其中之一。話說早前有位40歲男子阿強（化名）無所事事，透過手機社交App搵囡囡曳曳，經過一番搜尋後，跟一位叫做「夢醒時分」嘅中介人聯絡上，並問對方有冇特殊服務提供，對方開價一個鐘100元人民幣，阿強覺得價錢合理，只係擔心囡囡嘅質質唔好，便拜託對方幫佢搵個高質素啲，對方就將囡囡嘅照片發送畀阿強過目，點知唔睇由自可，一睇把幾火，原來相中嘅囡囡就係佢聲稱喺外地打工嘅老婆！於是阿強即刻打電話畀老婆，質問佢係咪識得一個人叫「夢醒時分」，同埋喺外地打乜嘢工。喺阿強嘅逼問下，老婆終於坦白承認，阿強即刻打畀「夢醒時分」，對方起初感到詫異，只係當阿強追問對方同佢老婆係乜嘢關係時，對方卻叫阿強問番佢老婆。阿強又打電話畀老婆質問一番，女方卻冇明確回覆。阿強諗咗成晚，覺得自己仍深愛老婆，於是翌日走去搵民警，希望可以規勸老婆返屋企。點知老婆收到民警電話後，不但邊飲泣邊拒絕回家，仲話大不了離婚。民警難審家庭事，只好叫阿強畀啲時間對方。問題嚟喇！究竟佢老婆有冇嬲過阿強搵囡囡呢？