有人認為纖瘦型嘅女仔至吸引，但係大部分男人都喜歡女仔身材勻稱兼有啲肉地，咁先至有健康美感。而日本成人漫畫界近年亦興起呢股風潮，個個女角色都好有肉地，好似人氣成漫家Mojarin嘅代表作《放蕩巨乳與玩樂》，正好體現出肉感美態。
人氣高企嘅Mojarin，喺日本成人漫界可謂無人不識，佢嘅出道經過，同唔少成人漫畫家差唔多，自細熱愛畫漫畫，早就練習出唔錯嘅畫功，2011年佢自組成人漫畫同人圈「The Exiled Realm of Arborea」，簡稱「TERA」，開始喺同人圈嘅官網上發表作品。
佢嘅畫風相當易認，事關筆下嘅女角色例必腰圍圓潤及大腿粗壯，相當有肉地；另一個特別之處，在於畫功成熟，線條亦相當穩定，唔會出現人物變形嘅情況，加上色氣極高嘅情慾場面，以及女角色強烈嘅高潮反應，難怪佢成立同人圈冇耐，就獲得成人漫畫月刊《COMIC 天魔》上發表作品《陽菜小姐的快樂事件！》嘅機會，正式成為職業成人漫畫家，其後佢又喺成漫月刊《COMIC 快樂天》及《COMIC 快樂天 XTC》上發表作品。
及後，佢又以同人圈名義，自資製作兼發行首本連載成漫同人誌《Elin舔舔》，呢本作品一直連載至2014年12月完結為止，作為一本自資出版嘅成漫同人誌，能夠連載到咁長時間，足見Mojarin幾咁深得成漫迷支持，但係講到佢嘅代表作就係《放蕩巨乳與玩樂》。
《放蕩巨乳與玩樂》收錄咗12篇單元故事，包括《種子溫泉》、《田舍之女》、《DT Catchers》、《花子小姐的色調》、《貓般含羞答答》、《G罩杯的使用方法》、《由衣小姐成長中》、《由奈in the Beach》、《新妻罵戰》、《由希老師的奶嘴日記》、《傾聽》及《谷內太太的肩痛》。唔少人都大讚係一本將肉體美同鹽花完美結合嘅超強作品，尤其係《田舍之女》同《DT Catchers》呢兩個單元故事，更係值得一再回味嘅佳作。
《田舍之女》講述男主角良太喺東京讀書4年，畢業後回鄉過住懶散嘅日子，期間遇到4年冇見嘅青梅竹馬兼鄰居崗田素子，發現女方不但變靚咗，心口更擁有一對大木瓜。有日，素子叫良太幫手摘橙，辛勞過後良太跑回家浸浴，卻估唔到素子亦脫清光一齊沖涼，望住素子心口對爆乳，良太慾望不斷飆升，而素子則一啲都唔尷尬，終於良太忍唔住將素子推倒，原來4年以嚟，素子一直對良太念念不忘，而一場浴室激戰就咁開始。
《DT Catchers》中嘅宅男小忠如常到最愛嘅玩具店夾公仔，突然有兩位分別叫千代子及睦月嘅美少女走埋嚟，話好想要小忠夾到嘅公仔，小忠見到靚女梗係即時答應，將個公仔送咗畀對方，之後兩個美少女主動拉咗佢去談心，小忠固然從未諗過自己會被美女搭訕，更加估唔到對方提出曳曳嘅要求！小忠就喺莫名其妙嘅情況下，喺情侶酒店同兩位美少女嚟咗場情慾三人行，究竟呢兩位美少女係乜嘢人，同埋佢哋有乜嘢居心呢？
書名：《放蕩巨乳與玩樂》
作者：Mojarin
出版：Wani Magazine
頁數：212頁
撰文：魂