姑勿論大家對改編自三國歷史嘅日本動漫作品《一騎當千》嘅睇法係點，呢套將三國名將變成巨乳美少女，又大玩爆衫露底嘅作品，深受日本動漫迷歡迎，連帶作品嘅模型亦大賣。今次最新登場嘅係趙雲子龍，以動畫版《一騎當千 Extravaganza Epoch》當中嘅造型作為設計藍本，外形變得修長，腰部亦更為纖幼，身材相當火辣。此外，佢以吊帶睡衣加底褲Look登場，少咗份陽剛氣息，卻增添濃厚女人味，配合埋輕撥秀髮嘅動作，散發出誘人味道。當然，講到養眼位又點止得咁少，玩家可親自動手除咗佢件吊帶睡衣，讓佢露出一對既堅挺又渾圓嘅巨乳，令視覺享受提升。如此性感嘅子龍，大家收唔收貨呢？