日本成人漫畫題材相當多，從戀愛到大雜燴等乜都有，只係講到愉虐系嘅高手，就非後藤晶莫屬。雖然佢係一位女漫畫家，對於愉虐題材卻相當拿手，角色嘅心理描繪更係專長，代表作有《小姐與我》。
畢業於日本東京代代木動畫學院嘅後藤晶，早喺上世紀90年代已經活躍於漫畫同人圈，當時佢除咗創作成人漫畫作品外，仲創作過少女漫畫。由於佢嘅成人作品滲透少女漫畫風格，帶嚟與別不同嘅構圖外，亦因為佢對於愉虐題材相當擅長，不論拘束、奴役，綑綁等，都能透過細膩嘅線條表現出嚟。此外，佢對於男女重要部位嘅毛髮，有着異常嘅執着，不惜花費大量時間，將茂密嘅體毛展現，不但令角色睇起嚟更具真實感，同時帶畀成漫迷極大嘅感官刺激。
憑住出色嘅表現，佢喺1998年獲得成人漫畫月刊《漫畫BANGAICHI》邀請發表作品《跟你在早晨》，而於2001年創作嘅《21時之女～新聞主播‧桂木美紀》，更被拍成動畫，自此奠定愉虐巨匠地位。2006年佢進軍一般向漫畫，推出連載作品《她是官能小說家》，2009年佢又積極進軍少女漫畫界，正當大家以為佢唔再畫成人漫畫之際，2014年佢推出《少女機械人》，及今年3月推出連載作品《NTR契約》。
講到後藤晶嘅代表作，就係單行本《小姐與我》，全書所有故事，都係以豪門千金小姐作為創作核心，大玩愉虐之餘，亦加入愛情元素。書中收錄咗《小姐與低下的我》第1至第4最終話、《小姐與粗魯的我》第1至第3最終話、《小姐與秘密》前後兩篇及《小姐與低下的我和粗魯的我》等合共10篇故事，當中最令人印象深刻嘅古仔，就係《小姐與低下的我》。
故事講述喺一間店舖當售貨員嘅男主角青木小太郎，喺莫名其妙嘅情況下成為店長借貸嘅保證人，點知店長走咗佬，結果小太郎就孭咗條貴利數。冇錢還嘅佢，惟有乖乖聽從大耳窿嘅指示，去到一間超級豪宅。原來大耳窿將佢賣咗畀超級豪門織作家嘅千金小姐織作成實，從此佢便成為千金小姐嘅奴僕。
點解千金小姐織作成實會揀小太郎做奴僕呢？原來佢細個時係小太郎嘅鄰居，而且暗戀對方多年，可惜小太郎對佢一啲意思都冇，令佢因愛成恨。當佢得悉小太郎欠下大筆債後，決定要小太郎成為身邊嘅奴僕，好好嚴懲一番。不過小太郎估唔到，所謂嚴懲竟然係要將佢閹割！被迫到絕路嘅小太郎陷入瘋狂狀態，將織作成實按喺床上，當佢將兵器進入蜜洞嘅時候，女方向佢表白，話唔介意將自己嘅第一次奉獻，而小太郎亦坦白話鍾意咗女方好耐，並為當年拒絕愛意而感到後悔。經過一場翻雲覆雨後，小太郎以為彼此言歸於好，卻估唔到織作成實回復大小姐本性，繼續百般凌辱小太郎，兩個歡喜怨家嘅愛情與奴役生活就咁開始。
《小姐與我》
作者：後藤晶
出版：FRANCE書院
頁數：186頁
撰文：魂