和富大埔冠忠南區夢想FC不變應萬變

有球隊易帥，當然亦有球隊以不變應萬變，和富大埔、冠忠南區及夢想FC，分別續由「堅Sir」李志堅、「Ricky」鄭兆聰和「細榮」梁志榮執教。大埔今季簽入超過10名新球員，「堅爸」表示：「今季我簽番嚟嘅球員，我相信畀我派落場嘅機會會多啲、靈活啲，但係要時間磨合。不過我哋有個優勢，就係7成正選球員仍然在陣，戰術上唔需要做好多調節，只係新加盟嘅球員點樣去理解。今季目標好簡單，就係要捧盃！」至於冠忠南區為免再承受「隔山買牛」之風險，主帥「Ricky」選擇了4名在港有表現的外援，配合一班舊將，有信心可以達成會方之目標──建立到一支具競爭力及得到球迷支持的球隊。比大埔簽入更多新球員的夢想FC，主帥「細榮」期望可創佳績：「希望球隊實力可以提升，新、舊球員擦出火花，入多啲波！同埋喺青衣場（主場）全勝。」