街頭貓步賣胸圍

模特兒展露最新產品，通常喺室內嘅天橋，着上或者攞住新產品嚟示人，等大家都可以睇得一清二楚，當然亦有例外，有人會喜歡戶外演出，就咁喺街上行Cat-Walk，同其他途人擦肩而過，咁做除非啲產品好吸引，否則邊有人會留意呀！話說8月4日喺倫敦就舉行咗個街頭時裝騷，佢哋推介嘅就係最新款嘅隱形胸圍，模特兒上身只着上各款Nude Bra，喺街上搔首弄姿，佢哋一出現，就絕對吸引住所有人嘅目光。今次活動係慶祝某著名胸圍品牌在倫敦發售，由於反應一流，相信銷售上一定會取得成功。