女優飲大咗 見胸就摸

兩所合作

日本AV界除咗會有AV集團互相競爭之外，手握AV女優合約嘅AV事務所亦當然會分黨分派。之不過，AV事務所之間關係微妙，激烈競爭就好少見，反而合作會比較多，好似早前兩大AV事務所Marks與Lotus嚟個盛大合作，炮製大型活動「超全明星AV女優集結！色情汁祭Vol.3」。是次活動喺AV界最鍾意嘅場館新宿LEFKADA舉行，兩間事務所為咗搞大佢，搵嚟一班人氣AV女優上陣，好似今年贏得DMM大獎最優秀女優獎嘅淫娃湊莉久、當打G奶女優濱崎真緒以及紺野光等，仲有活躍度超高嘅AV女優偶像團體棉花糖3D+，陣容相當強勁！至於司儀一樣咁勁，男嘅係喺行內頗具知名度嘅DJ特急，女嘅就係今年出道10周年、喺AV界地位超然嘅霞果穗！有霞姐壓場唔怪得班AV女優咁聽話啦……我係指活動初期囉！

兩隊互鬥

一開始，霞果穗就請出由5位女優組成嘅棉花糖3D+上台載歌載舞一番，以活潑生動嘅舞步以及甜美歌聲為活動拉開序幕。聽完歌之後，司儀就同多位女優嚟個大膽訪問，問吓佢哋平時有冇去溝仔，又或者男友喺床上夠唔夠男優咁勁等貼身又敏感嘅話題，唔知係咪因為問題太露骨，女優們一邊答一邊豪情暢飲啤酒幫助放鬆心情。靜態嘅訪問環節過後，就上演一場又一場嘅激烈比賽，兩間事務所分別派出女優上陣，頭場係鬥快飲果汁，由於Lotus隊女優趁Marks隊女優飲果汁嘅時候出茅招，係咁摸對方胸部，最終獲得勝利。

亂摸喪舔

之後進行拗手瓜大賽，兩隊女優透過分組比賽，最終由湊莉久以及紺野光兩位人氣小淫娃進身總決賽，代表兩間事務所鬥過。二女互握右手竭力壓倒對方，但係良久都未分出勝負，最搞笑係兩人又出茅招，居然伸條脷舔對方隻手，意圖令對方因為痕癢而鬆懈。奇怪嘅係，二女舔出感情，突然打起車輪，最後由拗手瓜變成舌戰，勝負難分。呢場舌戰相當緊張，搞到現場人士個個都熱辣辣，女優們更因此而不斷豪飲，濱崎真緒仲飲到啤啤夫添！酒意漸濃，班女優喺活動尾聲嚟個大解放，剝剩內衣褲畀現場觀眾影相留念，期間更放肆地互相搓胸摸乳，睇到男士們眼到凸埋，返到屋企肯定瞓唔着喇！

撰文：賢