蘇志樂首次隨軍獲肯定
今次香港東方作客印尼，12人大軍名單比起上仗有輕微變動，其中今季新加盟的蘇志樂就獲得首次隨隊出戰ABL的機會，他認為是對自己最好的肯定：「上次冇入選，自己都不停努力裝備自己，因為知道ABL強度同本地聯賽差好遠，練波時都主動去防守外援，希望增強自己對抗性，最終入選係對我係一個肯定！」
雖然在轉打2、3號位後仍要時間適應，但蘇志樂仍十分享受ABL為他帶來的「職業」感覺：「本地球員透過良性競爭，每次練習都竭盡全力，隊內氣氛好好。在酒店有賽前會議、睇片分析對手強項，令我有一種真正『作客』感覺，體驗職業球員的分別。」
要努力同師兄李琪競爭
有追蹤東方隊長李琪Instagram的球迷或會發現，他與「阿樂」感情要好，不時互相整蠱、互拍對方糗事。其實兩人是大學師兄弟關係，今次作客更做房友，成為「阿樂」首戰ABL的好夥伴，難怪「阿樂」亦毫不忌諱在李琪面前笑說：「我下個目標當然係爭取出場時間，始終隊內有李琪咁嘅球員，自己都好想超越佢，或者短時間內拉近距離，依家佢已經唔係我師兄，而係我嘅對手，不過學佢話齋，最重要係保持職業球員嘅心態！」