濃情朱古力甜蜜化不開

情色俚語：Chocolate Starfish另類海星

後花園嘅別名有好多，好似菊花等，而喺英文情色俚語中就有「Chocolate Starfish」。「Starfish」中文解做海星，原因係後花園似海星而得名，除此之外，「Chocolate Buttonhole」亦係暗指同一個部位。

另外，聽到有人問你：「想唔想嚟個『Chocolate Cha Cha』？」時，知唔知對方講緊乜呢？「Cha Cha」中文解做恰恰舞，但「Chocolate Cha Cha」卻同跳舞一啲關係都冇，其實佢係指進攻後花園，所以梗係Say No啦！

日本AV系列：朱古力皮膚 佐伯奈奈

有咁上下資歷嘅AV迷都記得佐伯奈奈呢個名，皆因佢對35G車頭燈加白滑波哋，絕對係AV迷嘅深宵女神，之但係大家又記唔記得，其實佢曾經曬到一身朱古力色皮膚，就係為咗演出由Digital Ark喺2009年10月推出嘅《Hot Chocolate #29》呢？雖然由白變黑，但係佐伯奈奈呢種敬業精神，感動唔少AV迷，仲因為呢套片令佢開發出狂野演出風格，成為癡女系女神之一。

不過，佐伯奈奈喺2009年9月30日宣布引退，期間佢偶爾搞簽影會同零星嘅AV演出，及至2011年3月正式淡出AV界。

玩樂辭典：Chocolate Sex調情玩意

調情玩法有好多種，其中就有呢個「Chocolate Sex」，玩法係將朱古力醬搽喺男伴或女伴身上，然後用舔嘅方式嚟進行挑逗動作，而當中嘅朱古力醬就叫做「Sex Chocolate」。

有性學家提醒大家，基本上所有朱古力醬都可以用作為「Sex Chocolate」，如果想玩得更加過癮嘅話，要挑選一啲質地略稀嘅朱古力醬，但要留意，千祈咪搽喺蜜洞，否則會令身體感到不適。

美國四仔系列：惡搞之作 場面火辣

「只融喺口唔融喺手」呢句經典廣告語落喺美國四仔片廠手中會點？Black Ice就以佢為靈感，喺2006年1月推出《Chocolate Melts In Your Mouth And In Your Hands》。雖然係一部惡搞四仔，但係製作相當認真，由四仔名導Dawayne Dane執導，搵嚟Jasmine Tame、Tiffany Holiday、Hillary Scott等16位男女脫星演出，尤其係Hillary Scott嘅參演令作品未推出就已備受期待。

1983年2月3日出生嘅Hillary Scott，2004年投身四仔界，於2005年及2006年連續兩年喺CAVR頒獎禮上獲得「年度脫星」殊榮，2007年又分別喺AFWG、AVN同XRCO頒獎禮奪得「年度脫星」大獎，直至2016年入選XRCO名人堂，勁呀！

撰文：魂