渡海濠情：分享證魅力 索女夠招積
早排有調查指，香港機場係全球第5個最多人鍾意「打卡」嘅地方，而所謂打卡，即係透過網站或App簽到，告訴朋友現時的位置，分享自己嘅經歷。澳門十八桑拿嘅索女小雪亦話佢好鍾意同人分享，只係佢所分享嘅並非旅遊景點，而係一眾心儀男士。
例必影相
自從網上分享社區出現後，打卡風氣愈嚟愈盛行，有人鍾意去旅遊周圍打卡，亦有人去親餐廳都打卡，而小雪則鍾意影低心儀嘅男士同人「分享」。問小雪點解去溝仔都要「分享」呢？佢解釋：「家陣呢個世界係有相至有真相，以前只係識得話畀人知，尋晚落場有幾多仔溝，講出嚟都唔知真定假。依家就唔同，影晒相『些牙』出去，足以證明自己幾咁有魅力。」原來講到底都係想話畀人哋聽自己有幾索。小雪笑道：「係女仔都想有魅力，咁先至可以肯定自己嘅價值嘛！」
鍾意分享
話說回來，如果溝到嘅仔係夠型嘅話，分享出嚟梗係冇問題，若然條仔嘅質素麻麻地，唔通又分享出嚟咩？小雪就話：「型仔梗係好啦！就算唔係型仔都冇所謂，最重要係數量搭夠，因為咁可以說明自己幾咁多人鍾意。」不過唔擔心有人唱反調，係咁彈你溝嘅仔冇質素咩？小雪擰頭話：「正所謂各花入各眼，佢哋之所以咁講只不過係吃不到嘅葡萄就係酸嘅道理，我又真係唔會因為咁嘅原因而怕分享。」小雪又指如果對方質素差啲都冇所謂，最重要就係床上表現好就已經足夠。不過問到小雪會唔會分享床戰過程時，佢猛咁擰頭話唔制，驚畀人認出佢就唔好喎！
撰文：魂
攝影：德