近代嘅脫星為求滿足觀眾口味，又擔又抬仲要上天下海，希望畀外界認為佢哋夠全面，可惜往往帶嚟反效果，畀人有種爛砌感覺。而脫星Anna Lynn更認為做衰自己想翻身都難，所以由始至終對揀劇本都非常小心，連拍寫真都要諗過度過，雖然畀人話佢麻煩，但阿妹話值得喎！
為咗搵食少不免要向現實低頭，甚麼性格、態度都要擺埋一邊，而脫星Anna Lynn就一於少理，企硬自己點都唔會亂嚟。因此，出道四年有多，Anna Lynn入行三年至由裸體模特兒轉做脫星，且作品都係寥寥可數，真係不食人間煙火咁噃？Anna Lynn解釋：「搵錢有好多方法，但唔可以出賣本性，要我做唔喜歡嘅事，我會選擇放棄，唔會畀機會自己後悔！的而且確入行多年我放棄咗好多演出機會，但我冇做臭個名，反而獲得更多！」
阿妹嘅意思係有失必有得，原來外界認為佢扮高竇冇嘢撈，查實佢近幾年高價接Job，專為班有錢佬做嘢。阿妹話：「大家以為我冇工開，其實我不知幾多嘢做，之不過我拍嘅係高級四仔，係畀一班有錢階層嘅人睇，而呢啲四仔甚少流出到廣大市場而已！即是話，我針對嘅並非普羅大眾嘅市場，因此大眾脫星玩嘅嘢，我一律冇理！」
照Anna Lynn咁講，佢嘅客戶正係一班富豪級四仔迷，平日出入高級私竇，Anna Lynn就作現場表演嘉賓，而佢就係中產脫星。既然阿妹要分階級，點解閒時又要浮面畀大家知道佢嘅存在呢？「其實我都唔想咁高調，不過為咗保持人氣，有時我都要拍吓大眾四仔，等外界對我充滿性幻想！」換句話講，Anna Lynn正係透過我哋班草根推佢上女神位置，令佢保持知名度。難得你咁坦白，衰在班影迷又受喎？「市場係各取所需啫，講到尾我都要剝衫上床取悅觀眾，一樣有付出，但當然要我咁弗嘅條件至可以咁玩啦！」
出生日期：1983年5月2日
三圍：34C、24、35
身高：5呎6吋
撰文：祖