火箭經常被人寄予厚望，但季季都令人失望，近呢一兩年內地同胞對火箭開始冇乜期望，以免期望愈大，失望愈大！今季姚明強勢復出，但限定每場比數上陣最多二十四分鐘，如果一場籃球比賽係打二十分鐘嘅話，火箭或者有機會挑戰冠軍寶座嘅！
現年二十九歲嘅姚明，上季足足抖咗一季，今季雖然復出，但軍醫話佢舊患太嚴重，必須好好保護先可以繼續比賽，火箭想取得突破嘅話，就唔可以吓吓靠姚明去爆籃，應多打快攻，推快比賽節奏。
其實火箭係有條件打「小球戰術」，因為佢哋有得分能力甚強嘅控衞布魯克斯及搖擺人奇雲馬田，奇雲馬田近幾季得分相當穩定，平均每季交到二十分嘅成績，正所謂窮則變，變則通，火箭由以往以姚明作為進攻核心，改為將得分重任轉移喺布、奇兩人身上，話唔定可殺出一條血路！