今季NBA新秀嘅期待指數較近季為低，平均質素只屬一般，獲得頭籤嘅巫師就揀咗6呎4吋控衞，來自肯塔基大學嘅約翰禾爾。曾經因為年齡問題而被質疑不能參與2010選秀會嘅約翰禾爾，最終壓倒端拿成為狀元爺，其實約翰禾爾無論身材及打法皆近似○八狀元戴歷羅斯，同樣屬得分力極強嘅控衞，且看佢今季夥拍易建聯，能否擦出火花。
至於上季狀元格芬，今季亦會正式登場，呢位大前鋒上季於開咧前因膝傷重創，要缺席整季賽事，可謂完全打亂快艇嘅部署。如今佢終於復出，在季前賽亦交到貨，相信新人王會係佢同約翰禾爾之爭。