金塊教練卡爾將再一次與癌魔搏鬥，曾於5年前成功「揮低」前列腺癌的他，近日證實患上喉癌，並將接受為期6星期的治療。不過意志堅定的卡爾有決心再做「抗癌鬥士」，並承諾在季後賽前歸隊，而球隊帥印暫時由助教丹特利接手。
事實上，卡爾對自己病情相當低調，即使係金塊球員都係喺明星賽後復操當日才知，控衞比立斯都覺得好突然：「我哋全力支持卡爾同佢嘅家人，仲會好好祈禱，希望教練會盡快康復。」
卡朗畢拿「黑腳」 小牛輸波
另外，NBA明星賽後首個賽日共上演10場波，當中以小牛最受關注，事關小牛有新兵卡朗畢拿同希活首度亮相，但全隊只得32%命中率，最終作客以86比99不敵雷霆，今個月輸咗四場。
