得八個球員可落場

拓荒者一班球員近期輪流受傷，傷兵人數多達八人，當中包括兩名中鋒佩斯比拿同奧登，令拓荒者近期冇一個正宗中鋒可用，不過球隊排出嘅「矮仔陣」卻相當煞食，射手萊爾、韋斯達及控球後衞安祖米拿手風都十分順，萊爾射入三十七分，韋斯貢獻廿一分及十一個籃板球，協助球隊取得近七仗以來嘅第六場勝仗。

主將韋斯達表示：「近期球隊雖然咁多傷兵，反而令我哋發揮超水準，因為我哋冇嘢好輸，落場嘅時候都打得好輕鬆。」至於老將祖雲侯活則笑言，打咗十五年波都未試過遇到咁嘅情況。

乘勇撼快艇

拓荒者目前以二十一勝十三負成績排於西岸第五位，同第二至第四位球隊嘅距離唔遠，隊波弗成咁，聽日作客洛杉磯快艇睇嚟可以乘勝追擊。不過，雖然快艇近六場只贏過兩場，但兩場都係主場取得，對住拓荒者亦未必唔夠打。