68X頻脫班 乘客等半粒鐘
「一星期起碼脫班兩、三次，出入元朗同九龍都係咁，對我哋啲打工仔真係影響好大！」王先生早前在傍晚時分於旺角豉油街等候九巴68X線往元朗，惟等候逾半小時方能登車，現場候車人數高峰時超過五十人。王指該線經常脫班，曾多次向九巴投訴，但每次對方皆以「交通阻塞」為由作開脫。
九巴：交通擠塞影響
九巴發言人解釋，事發當日下午花墟公園正舉辦活動，影響到旺角及太子區一帶交通致擠塞，令部分巴士班次未能按原定時間到達佐敦總站，強調站長已隨即安排延誤抵站的班次即時開出，以疏導乘客。
不過，王先生卻質疑九巴回覆的真確性，「當日有其他朋友喺佐敦渡華路搭60X同68X，佢哋話冇脫班喎！如果真係塞車，咁點解其他路線會冇事？」