渡海濠情：手機惹禍分手居多
有說夫妻最怕「七年之癢」，意思指結婚七年後好易情變，最後離婚收場。最近英國有研究指出，夫妻關係平均只維持到兩年零九個月，比七年仲短。而嚟自大富豪桑拿嘅Nana就話，佢同男朋友嘅關係維持得仲短呀！
令人心煩
Nana話：「我都有睇過呢段新聞，專家話導致離異嘅最主要原因，就係另一半沉迷玩社交或交友網站，我諗吓又真係幾啱，近幾年我密密同啲男朋友分手，最主要嘅原因就係佢哋個個都掛住玩手機，最長一個維持咗一年，能夠維持咁耐，就因為佢一年內跌過四部電話，有好多時間都冇手機用，所以至捱到咁耐咋，而玩手機人人都會，但當你拍緊拖，甚至親熱緊嘅時候，個電話響個不停，你都咪話唔煩，最令人火滾嘅就係男朋友急於回覆，完全當你冇到！」
就係好玩
咁又係太過分嘅，Nana仲有好多嘢想講，一於畀佢繼續：「我有個男朋友，同親佢食飯，成餐飯就掛住覆訊息，一句話都冇同我講，有個仲離譜，我瞓喺佢身邊，佢都夠膽覆人訊息覆成晚，你話呢啲男朋友仲要嚟有乜嘢用，有時佢哋咁樣玩電話，係要嚟溝女嘅，我都唔怪佢哋，但問佢哋咁做為咗乜呢？佢哋只係話好玩囉，咁即係佢玩手機嘅興趣大過佢嘅女朋友啦！你話聽見佢哋咁樣解釋，唔火滾都幾難，男朋友都如是，丈夫或老婆玩到咁癲真係唔分手都幾難呀！」
Nana's Profile
年齡：20歲
三圍：35-24-34
撰文：小德
攝影：阿生