政情：公民講場：貪曾《明報》孤寒一擔擔

新出爐嘅施政報告建議每年投放二百億元經常性開支扶貧，向來同政府唔多啱傾嘅立法會議員劉慧卿尋日同傳媒茶敍時，就罕有將槍頭移離現屆政府，狠批「貪曾」前特首曾蔭權爵士治港多年一直唔做嘢，直言「要鬧衰佢」咁話！而對於近來「局勢動盪」嘅《明報》，曾任記者多年嘅劉慧卿主動提起《明報》，好似內地一間曾有工人跳樓嘅刻薄電子廠咁，請人「出手低」，向應徵者壓價，批評《明報》薪金過低。咁講法，貪曾守財成奴、《明報》出手過低，大家一樣咁孤寒。