政情：金民豪囡囡迪士尼慶生日

兩父女成個餅印

Andrew話佢哋一家都係迪士尼粉絲，朝早入完樂園玩，跟住就約埋親友去酒店開派對，全晚最緊張嘅時刻，就喺等一班迪士尼卡通朋友出現。Caitlin最鍾意小熊維尼，不過呢隻小熊舊年已經參加咗小妹妹嘅生日派對，今年嚟到賀嘅係最愛幻想嘅愛麗絲同白兔先生，呢兩位卡通人物啱啱喺香港新登場無幾耐，梗係要把握時間影多幾張靚相，兩父女笑起上嚟成個餅印咁。

今次迪士尼為Andrew一家悉心安排多個親子活動，其中Andrew同Caitlin就一齊親手製作紳士帽，然後即場戴上影相，確實似模似樣。Andrew最後向囡囡送上故事書及Duffy熊做生日禮物。