政情：陳克勤上京變雪條

經過首日凍僵經驗後，有當地人教路，建議團員多着幾條褲，第二日個個着到成隻糉咁。陳勇話，考察團前晚參觀完798藝術區，尋日聖誕節就到北京大學上三堂國情研習班，了解國防內容、國家發展及香港《基本法》，傍晚仲同全國青聯委員交流，就商業、金融及傳媒等分享經驗。

考察團未來幾日亦會參觀奧運鳥巢、水立方、長城、故宮等多個著名景點，本周四（三十日）回港。身兼北區區議員嘅陳勇又話，完成今次考察團之後，會再帶六百名中學生參加高鐵之旅，度過一個有意義嘅聖誕及新年假期。