政情：梁卓偉死撐流感針防疫

對於英國流感大爆發，有人甚至因而死亡，本港嘅食物及衞生局副局長梁卓偉尋日出席公開活動時，強調香港都唔可以掉以輕心，呼籲長期病患者等高危一族盡快注射流感針。不過近年由港府提供嘅流感針成日都出問題，之前有人注射豬流感疫苗後出現「吉巴氏綜合症」，上月亦有市民打完新一季嘅流感針後，下肢無力需要入院，市民真係唔可以掉以輕心。