- on.cc 東方互動主頁
- 4月10日 (四)
香港西醫工會尋晚舉行周年晚宴，今年主題為「歌舞昇平聖誕夜」，勁多會員及嘉賓踴躍參加，其中一位係行政會議成員梁智鴻（金刀梁）。原來金刀梁喺平安夜同聖誕節兩日，一連去咗五個派對，佢話每年聖誕節前後都會畀面參加唔同醫學會嘅派對，加上喺外地工作嘅仔女都回港，所以甚少同太太外遊過聖誕。
不過，今年只係得曼谷工作嘅細仔趕得切返港同金刀梁兩公婆過節，喺英國從事資訊科技保安工作嘅細女捷華，就受到歐洲大雪影響未能回港。金刀梁好開通話，就算仔女趕唔到返港過節都無所謂，因為平時大家工作咁忙，通電話都可以緊密聯繫。咁又係，金刀梁上月喺禮賓府獲頒大紫荊勳章時，捷華都有回港撐場，證明係孝順女一名！
家庭醫生關嘉美尋晚都有參加晚宴，仲擺檔幫嘉賓寫生。關醫生話，自己好鍾意睇人哋個樣，一睇就知有無整容，用手一驗就知有冇隆胸，但係佢唔主張整容，認為做人只要有自信，目標清晰，真誠善良就係最靚，所以佢絕對唔會整容喎！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
