中環出更：鄭慕智搵梁卓偉唱聖詩籌款

Gabriel係業餘指揮家，揮動指揮棒嘅一舉手一投足都冧到唔少fans，今次改唱聖詩，一樣咁掂。Gabriel話，佢四歲開始學唱聖詩，所以今次表演絕對難唔到佢，事前大家夾吓歌就無難度。自從上次Moses喺尖沙咀海港城表演後，個活動喺facebook傳開晒，好多人覺得活動有意義，爭住捐錢，所以善款尋日已達標。

尋日唱聖詩表演期間，許晉亨外甥、香港青聯副秘書長郭永亮（Andy）一家三口路過，仲駐足欣賞表演。Andy話，啱啱同太太以及八個月大嘅囝囝行街Shopping，睇啱就買，當做聖誕禮物喎！

鄭慕智（左二）話籌款反應熱烈，迄今已超逾一百萬籌款目標。

郭永亮一家路過置地廣場，也被動人嘅歌聲吸引。