今年聖誕節特別寒冷，不過只要同至愛一齊，就幾凍都冇有怕。周二卓妮見到保良局副主席龐盧淑燕喺皇后大道中連卡佛大廈出現，原來佢去做健康檢查。雖然去做體檢，但龐太心情好輕鬆，原來翌日佢哋祖孫三代齊飛東京玩五日，雖然凍過香港，但龐太話佢唔怕凍，帶夠禦寒衣物咪得囉。龐太囝囝龐維仁就嚟做爸爸，一提起件事龐太就甜到漏，仲自爆呢胎係孫女，佢鍾意女仔生性又夠嗲喎！
